Les mots surlignés font l'objet d'une note
1Monseigneur, je remercye très humblemant à vous et
2à la court de la bone justice quil vous playt
3continuer me fère administrer pour la reparation
4de ce quy avoyt esté avancé par le capitaine Beaufort
5contre l’oneur de ma filhe de La Charce, qui est
6une obliguation tousiours plus grande à moy de
7vous demeurer et à ladite court de plus en plus
8obéissant et prest à recepvoir tous les commandemants
9quil vous plerra me fère. Au reste, Monseigneur,
10vous entendrés du sergent Père et de Bolomeau
11comme tout cest passé, lesquelz ont esté davys
12et moy avec eulx, de ne passer ledit Beaufort
13plus oultre, dautant que le temps est dangereux
14et que demployer force pour lacompaigner, cella
15nest en leur puissance ny à la miene. Monsieur,
16je vous ay tant de foys remostré ce que je vous
17puys dire, davantaige, Monseigneur, cest que lesdits
18sergent Père et Bolomeau sont bien dignes de leur
19charge. Je prie Dieu,
20Monsegneur, vous doner très heureuse et longue vye,
21me recommandant très humblemant à votre bone grace.
22Du boys, ce IIIme juilhet 1572
23Votre très humble et très obéissant
24serviteur
25Pontays